Casa da Lembranza é un complexo de turismo rural inaugurado en xullo de 2016, situado na aldea do Padrón, a un quilómetro da Fonsagrada (Lugo) ao noroeste de Galicia e moi próxima ao límite con Asturias. Rodeada de natureza e ao pé do Camiño de Santiago, Casa dá Lembranza (Casa do Recordo) é o resultado da esmerada restauración dunha antiga casa señorial de hai 100 anos pero que segue conservando a arquitectura típica da zona.

Os apartamentos de Casa da Lembranza levan o nome dun escritor relevante na historia de literatura galega, cuxa vida e obra está resumida nun cadro situado no salón. No hórreo da casa, pódense atopar as súas obras principais ademais doutros libros tanto de literatura española como inglesa. Casa da Lembranza ten capacidade ata 25 persoas, distribuídas en 6 apartamentos de diferente tamaño e completamente equipados. Todos os apartamentos están restaurados con materiais de pedra, lousa e madeira típicos da zona. Posúen todas as comodidades: calefacción, cociña de indución, salón con cheminea, neveira, microondas, enxoval completo, televisión e baño privado.